قصة احبك بصمت
الفصل الثاني عشر12الاخير
بقلم ياسمين عادل
(التفت زياد لمصدر الصوت سريعا ليتفاجأ بيارا امامه وتلقي بكلماتها التي تشبه سم الثعابين بل اكثر من ذلك )يارا /حلو اوي اوي اللي بيحصل ده يعني متجيش معايا ولا حتي تفكر توصلني عشان تيجي هنا تقعد مع حبيبة القلب من ورايا وتستغفلني
وانتي ياللي عامله فيها محترمه اوي مش عيب عليكي تبصي لحاجه مش بتاعتك ده انتي حتي اتخطبتي ايه قلة الادب دي. انا حذرتك قبل كده والظاهر انك مصدقتيتش انا......
زياد بغضب عارم /انتي اتجننتي ولا في حاجه ف مخك ازاي تكلمي معايا كده وتقولي عليها كده انتي عبيطه ولا ايه
روز ...................(تكتفي بالبكاء)
يارا /ايوة ايوة دموع التماسيح والصوت العالي مبيعملوش معايا حاجه
زياد /انا اللي بكلمك ياهانم ردي عليا
انتي جايه ورايا تهببي ايه انتي مراقبني
يارا /اكيد لازم اراقبك انت فاكرني عاميه ومش شايفه قدامي كل اللي بيحصل
روز /انا لازم امشي
زياد /استني ياروز انا اللي هروحك
يارا /غوري بقي ف ستين داهيه حسي ع دمك ....
(لم تكمل يارا كلامتها اللازعه حتي امسك زياد زراعها بشده ولم تستطيع يارا الافلات منه)
يارا /ااااه سيب ايدي انت اتجننت
زياد بحده /لمي نفسك معايا انا عمري ما مديت ايدي ع بنت ما تخلينيش اعملها
يارا /بقولك سيب ايدي ياحيوان ايه الهمجيه دي ....
روز /خلاص هاتفرجوا علينا الناس سيبها سيبها بقي
(كانت اعصاب زياد قد فلتت منه في هذه اللحظه ولم يشعر الا واصابع كفيه ع وجهها بعد هذه الكلمات التي لا يحتملها ع نفسه )
يارا /
واللهي لاقول لانكل ع كل حاجه واطربقها عليك
(اما روز هفمت بالانصراف سريعا قبل ان يلاحظها زياد وصارت كالمجنونه وبسرعه بعد هذه الكلمات فرغم لاذعتها الا انها محقه فهي بنظرها الان تخطف خطيبها فلا يحق لها التواجد بينها واثناء سيرها بهذه الطريقه الجنونيه اذا بسياره ترتطم بها لتسقط ارضا ....
اما زياد ويارا ..... فقد ظلت المشاحنات حتي خلع دبلتها من يديه والقاها بوجهها وتفاجأ بعد كل ذلك بعد وجود ملاكه الحزين فصار كالمجنون بحثا عنها واثناء سيرة وجد حشد من الناس يتجمعون ويهمسون لبعضهم ولكن لم يبالي وقرر الانصراف ولكن شيئا ما بداخله ارتعد وفكر الذهاب ليري ماذا هناك وتفاجأ بها ع الارض ويتجمعون حولها فجري اليها فنزل لمستواها واخذها باحضانه صارخا بها /ليه ليه مشيتي قومي
قومي ارجوكي قومي متسيبينيش قومي ياروز يااااااااااااااااااااارب
(حملها سريعا ولم يطيق الانتظار حتي تاتي الاسعاف فركب سيارة اجره وانطلق بها وهي بين يديه ولا تشعر بشئ وهو تتساقط دموعه فهو ع وشك خسارتها ولا يطيق حتي التفكير بذلك حتي وصل المشفي وحملها وانطلق بها سريعا يستنجد بهم حتي يلحقون بها *
زياد /دكتور دكتور بسرعه ارجوكي
....../اتفضل من هنا بسرعه
(بعد فترة من الوقت )
الطبيب/حضرتك تقربلها ايه
زياد /اا اا انا اا انا خطيبها هي عامله ايه
الطبيب/متقلقش هي سليمه بس في شويه كدمات وخدوش وقطع ف اربطه اليد اليسري بس الحمد لله ع قد كده
لكن....
زياد بقلق /بس ايه
ارجوك قول
الطبيب/المشكله النفسيه والعصبيه اكبر
هي دلوقتي ف حاله غيبوبه ومش مستيجه لاي وسيله ممكن تفوقها
زياد /يعني ايه الكلام ده
الطبيب/يعني هي دلوقتي ف حاله رفض للواقع عايزه تعيش ف عالم خاص بيها تبعد بيه عن كل الناس.. دورنا دلوقتي نحاول نرجعها للواقع وبعد كده نبعد عنها اي مصدر ممكن يسبب ليها اي انفعال او زعل .. انا مضطر استاذن
(دخل زياد ليراها ممده ع سريرها لا تشعر بشئ ايعقل ان تكون هذه روز المرحه الجميله الفتاه التي يعشقها فلقد عبث بها الحب واحدر من حالها وغير حتي معالم وجهها .. نظر لها بحزن شديد واحضر كرسي وجلس بجوارها ولامس وجنتيها بيديه وامسك يديها يقبلها )
زياد /انا عارف انك سامعاني ارجوكي قومي
انا هعوضك عن كل حاجه صدقيني. بس ارجعي
ارجعي يازوزتي انا ماليش غيرك انتي الام والاخت والصديقه والجارة والحبيبه انتي كل حاجه
ارجعي تاني واوعدك مفيش حن تاني ولا عذاب
انا مش هتخلي عنك ولا هاسيبك مهما كانت الظروف صدقيني (ووضع راسه ع يديها واخذت دموعه تنهمر في صمت حتي تذكر للحظه جد روز فخرج سريعا وهاتفه )
مصطفي بصوت ناعس /ااالووو
زياد /ايوة ياجدو عايز اقولك ع حاجه ااا اا ر رووز
مصطفي بخضه /مالهت روز يابني في ايه
زياد/متقلقش هي تعبت بس وانا معاها ف المستشفي
مصطفي /ياخبر
امتي وازاي.... طيب انا جاي انا جاي
........ وانطلق الجد سريعا واضعا يديه ع قلبه فهي قطعه من قلبه ولا يطيق عليها نسمة الهواء
حتي وصل وعرف ما حدث من زياد
مصطفي /اللي عملته كان غلط يازيا
زياد /ياجدو انا....
مصطفي /اسمعني يابني كويس
انت عارف معزتك عندي.. بس اللي حصل ميصحش
حتي لو بتحبها انا كنت موجود وكان ممكن تتكلم معايا
مش تتصرف من دماغك. وهي كمان غلطانه بس ده مش وقته تقوم بالسلامه وربنا يسهل
منزل رفعت...
رفعت /ازاي الكلام ده ياشوكت
حقك عليا انت ويارا واللهي واول ما يشرف البيه انا ليا كلام معاه
شوكت /لا يارفعت مفيش نصيب .. بنتي ليها كرامه والف واحد يتمناها
رفعت /اهدي بس ياشوكت وانا هتصرف
شوكت /معلش يارفعت مفيش نصيب وصداقتنا هتفضل زي ما هي
رفعت /شايفه ابنك الحيله عمل ايه مع بنت الناس
سلوي /واللهي احسن انا اصلا مكنتش طايقاها
ياحبيبي يابني ياتري انت فين وعامل ايه
رفعت /دلعك ده اللي بوظ الدنيا
سلوي /لا ياخويا الدنيا مش باظت ولا حاجه وبعدين هو انا هلاقي احسن من روز حبيبتي عشان اخدها لابني يارفعت
رفعت /البت كويسه وكفايه انها حفيده مصطفي وعرفينها كويس بس كان قالي من الاول وانا اتصرف
مش يتصرف من دماغه
اشرف /بابا الحق روز ف المستشفي
(في الصباح)
مازن /في ايه ياجدو روز مالها ايه اللي حصل
زياد ............
مصطفي /اهدي يامازن هي كويسه بس...
مازن /بس ايه ياجدو
مصطفي /اعصابها تعبانه شويه يابني
مازن ينظر لزياد /وهي كانت فين اصلا
مصطفي ......
زياد /.......
مازن /في ايه ياجماعه
زياد /كانت مخنوقه وخرجت وحصل اللي حصل
مازن /انا هادخل اشوفها
زياد .........(الله يخرب بيتك يااخي امشي بقي*
مازن /روز انتي سمعاني
روز ........
مازن /قومي ارجوكي انا مقدرش اعيش من غيرك
ايه اللي وصلك لكده ياحبيبتي بس لو اعرف واللهي هاتصرف بس اعرف
(ظل مازن ع هذا الوضع لفترة حتي ان زياد استشاط غضبا ولكنه لم يملك الحق للتدخل فقرر الانصراف)
.... مر اسبوع ع روز وهي بنفس الحال ترفض الواقع ولا ترضي به ولا تستجيب للعلاج
فلقد يأس مازن وزياد واصدقائها والجميع ف محاولتهم العديده لاثارتها وبينما كان زياد عندها ذات يوم .... يمسك يديها واضعا راسه بجوارها حتي شعر بانامل روز تتحرك فهب سريعا من مكانه
زياد /روز حبيبتي انتي سامعاني صح
قومي بالله عليكي كفايه انا استويت قومي
روز .........اا ان ااانا اننا
زياد /اتكلمي انطقي انتي ايه
روز /..ا ااا
زياد مسرعا /دكتور دكتور بسرعه فاقت
الطبيب /لو سمحت تخرج دلوقتي حالا
(خرج زياد وبعد دقائق خرج الطبيب ليبشرهم انها استعادت وعيها ولكنها ما زالت ف حاله اعياء..
دخل زياد مسرعا للاطمئنان عليها وامسك بيديها مقبلا اياها /كده تخضيني عليكي
روز /..............
زياد /اتكلمي ارجوكي
روز /ا اااا ااا اان انا كويسه
زياد /يارب تبقي كويسه و......
(قطع حديثه دخول مازن سريعا)
مازن /حبيبتي حمد الله سلامه
زياد .........
روز /ا االله يسل مك
مازن /ارتاحي ارتاحي هنتكلم بعدين
زياد /عن اذنكوا
مازن /زياد انا عايزك
زياد بقلق/اه ااه اتفضل
(توجه زياد معه مازن لاقرب كافيه وجلسوا لتبادل اطراف الحديث معا)
مازن /تعالي نتكلم بصراحه
زياد........
مازن /في ايه بينك وبين خطيبتي
زياد ..اا ا لا اا انت اكيد فاهم غلط
مازن /طب فهمني
زياد /مازن مفيش بس..
مازن /انت بتحبها ؟؟
زياد ........(شعر وكأنه يريد الارض تنشق وتبتلعه
مازن /متنكرش انا عارف كل حاجه
زياد /هه ااااااااااا
مازن /ما تستغربس
انا هاقولك كلام اكتر واكبر من كده اسمعني....
(في المستشفي)
ملك /حمد الله ع سلامتك يازوزه
سارة /كده تخضينا عليكي ياحبيتي
روز /معلش ياجماعه اهو اللي حصل
(دخل مازن )
مازن /مساء الخير عليكوا
ملك وسارة /مساء النور
مازن /معلش متاسف ممكن اقعد مع روز
...... وخرج الفتاتان
مازن /بتحبيه ؟
روز بصدمه /هه ايه بتقول ايه
مازن /ههه اهدي طيب
روز /..........
مازن /انا عارف كل حاجه ياروز
روز....انا اسفه واللهي اسفه بس....
مازن /اهدي اهدي متعيطيش ارجوكي
انا عارف قبل حتي ما اخطبك
روز /انا مش فاهمه حاجه
مازن /انا هفهمك
فلاااااااااااااش باااااااااك
مصطفي /ازاي بس يامازن مقدرش اعمل كده
مازن /صدقني ياجدو هو ده الحل يمكن يفوق ويعرف انه بيحبها
مصطفي /ولو مفاقش
مازن /مش هنخسر ياجدو
مصطفي /وانت هاتكسب ايه من كل ده
مازن........
مصطفي /اتكلم يامازن
مازن /انا بحبها ياجدو بحبها
من ايام ما كنا صغيرين وبنلعب مع بعض كل يوم كنت بصحي بدري عشان بس اشوفها واقفه ف البلكونه
بس هي مكنتش بتبص الا ع البلكونه اللي قدامها
كانت كل يوم تنزل جامعتها وانا اشوفها ومقدرش اهدي الا لما اما اطمن عليها
كنت بشوف زياد ع طول جمبها ورغم الغيرة اللي كانت بتاكل ف قلبي الا اني كنت ببقي مطمن عليها
وعارف انه هايحميها .. مقدرش اشوفها بتتعذب مقدرش لازم اساعدها باي طريقه حتي ع حسابي
مصطفي /يااااااه للدرجه دي بتحبها يامازن
مازن ..........
مصطفي /خطتك لو فشلت هاتجرح روز
مازن /لالا عمري ما هقدر اجرحها وانا متاكد انها هاتنجح ميا لميا انا عارف
مصطفي /لولا اني عارفك كويس وواثق فيك مكنتش وافقت يامازن
مازن /صدقني مش هتندم ياجدو
........ نرجع للاحداث الحاليه
روز تعتليها الصدمه والدهشه لا تعرف اتفرح ام تحزن/يع يعني كل ده تمثيليه
مازن /اعتقد دي اجمل تمثيليه
روز /بس بببس
مازن /مفيش بس
زياد زمانه جاي دلوقتي
روز /للدرجه دي حبتني
مازن بابتسامه /انا مش مهم انا عايزك سعيده وبس
روز باسف /انا مقدرش اظلمك انا .
مازن /بسسسسسسس انتي فعلا لو كملتي معايا هتظلميني انا عايزك تفتكريني دايما بالخير
(دخل زياد ف هذه اللحظه حاملا معه بوكيه من الورد وعلبه كبيرة تحتوي علي الكثير من الشيكولاتات التي تعشقها روز ومرتديا بدلته الانيقه وينظر لها بكل حب وعشق)
روز بعين دامعه ......اان انا
زياد /تتجوزيني
روز .................
زياد /بقولك تتجوزيني
(وما هي الا لحظات حتي تفاجات بوجود جدها واصدقائها ورفعت وسلوي والدا زياد واخيه وكأن الجميع ينتظر ردها)
مازن /حرام عليكي نشيفتي ريقي ردي
زياد مصطنع الزعل /شكلها كده مش موافقه طب انا اسف عن اذنكوا
روز /لالالالالاالا تعالي هنا
زياد بفرحه /تتجوزيني
روز /ا اا ا اا يعني اااا
ملك /انا قلبي وجعني ياناس
سارة /حرام عليكي اتكلمي
مازن /ههههد ده بقي طلب جماهيري
روز /م مو موااافقه
زياد /ياهوووووووو
روز ./زياد الحقني زياد
زياد بصوت ناعس/ايييييه ياروز
روز /الحقني شكلي بولد
زياد /حرام عليكي واللهي بقالك اسبوع كل يوم تصحيني من النوم وتقوليلي الحقني بولد
ولا بتولدي ولا حاجه
روز /لالا بجد النهارده بجد قوم بقي اااه
زياد /ما هو كل يوم بردو تقوليلي البوؤين دول
روز /ااااااااااااااااااااه اااه
زياد /هو بجد ولا اييييه
بعد مرورخمس سنوات.....
زياد بقي رجل اعمال كل يوم بيكبر عن اليوم اللي قبله وروز دايما جمبه وبتسانده وبقي عندهم ولد وبنت (مازن و ياسمين )
اما مازن فلقد عاني كثيرا لان حبه لروز لم يكن بسهل ولكن ظلت ملك بجانبه وساندته حتي مر من ازمته فلقد احبت ذلك الرجل الذي ضحي بسعادته لاجل حبيبته ونجحت في ان تغمرة بحبها وتحتويه حتي بدا هو الاخر ان ينجذب اليها وبعد قصه حب من نوع خاص تزوجا وانجبا ليليان.....
(تمت بحمد لله قصه احبك بصمت)
(حب واعترف انك بتحب بلاش تكابر وتنكر عشان ميجيش الوقت اللي تندم فيه وتقول ياااااريت
وساعتها يااااااريت مش هتنفع)
تمت بحمد الله
تعليقات
إرسال تعليق
مرحب بكم في مدونة معرض الرويات نتمنه لكم قراء ممتعه اترك5 تعليق ليصلك كل جديد