رواية الخوف
الفصل السادس6الاخير
بقلم محمد منصور
انت من دم عبد المولي وهو كان في خدمتنا وانتي هتكملي اللي بداو. وجاهز اقدم لك هدية تانية
ووقف مرة واحدة وقرب مني وقال
هند بتخونك مع جوزك حبيبك. ازاي دي كانت صاحبتك. ازاي ولا مرة خوفتي منها
سامية
انت كذاب هند مستحيل تكون بتخوني
قال
اطلعي وشوفيها بنفسك وهي في احضان جوزك
ما بقتش عارفة اصدقة ولا اكذبة لكني لقيت نفسي بخرج من الحمام علشان اشوف هند في احضان انس اتصدمت وما بقتش قادرة اصدق اللي انا شايفا ولسة ههجم عليهم لقيت التاريخ في النتيجة المتعلقة 13/ 2/ 2023. وقفت مكاني وقولت
النهاردة 13..2..2023. انا متاكدة من التاريخ دة. اصل دة التاريخ اللي شوفته اول مرة دخلت فيها الشقة يعني كل اللي بيحصل دة بيحصل في يوم واحد كل الاحداث بنفس التاريخ انا جوة كيان كبير من الوهم كوابيس دارت كلها في يوم واحد. مع كل غمضة عين
وقررت اجرب واشوف اللي انا وصلت له دة من تخمين صح ولا غلط وهنا غمض عيوني وفتحتهم لقيت نفسي في مكتبي اللي في مجمع التحرير غمض وفتحت عيوني تاني لقيت نفسي علي سريري في البلد غمض وفتحت لقيت نفسي جوة التابوت الازاز. وهم وراء وهم حياتي عبارة عن غمضة عين ومع كل غمضة عين اعيش جوة كابوس وبمجرد ما عرفت الحقيقة رجعت الشقة زي الاول عليها تراب وعنكوت والملايات البيضاء علي العفش زي ما دالتها اول مرة وهنا وقفت في نص الشقة وقولت
انا مش خايفة، منكم مهما كنتم انتم مين وجاهزة للمواجهه. ولو انتم قد المواجهه اظهروا. الخوف ما يقتلش مؤمن. وانا مؤمنة وموحدة بالله. ومش خايفة من بكرة ولا خايفة منكم.
بدات الملايات تطير في الجو في شكل دائري وانا واقفة ببص للي بيحصل وبقول
الله اكبر. الله اكبر. الله اكبر
ومرة واحدة اتحولت الملايات البيضاء دي لي اكفان وجوة منها اموات فيهم المبتسمين وفيهم اللي مرسوم علي وشهم علامات الخوف والفزع واترصو الاموات دول صفين عن اليمين وعن الشمال. بصيت لهم وانا عماله اقول
الله اكبر. الله اكبر. الله اكبر
وهنا يظهر الشئ اللي جوة الجاكت الاسود وفضل يقرب مني وانا واقفة بثبات ما عرفتش جبته منين بس زي ما بيقولو من المصائب تتولد القوة. وهو يقرب وانا ببص له بتحدي وقولت
انت مين وعايز مني اية
قال
قولت لك انا الخوف.
سامية
وانا مش خايفة منك. وهات اخر ما عندك
قال
انتي عنيدة جدا. اول واحدة تدخل الشقة وما تقبلش كل اللي قدمنا ليها
سامية
ازاي اقبل هديا تتولد من رحم الخوف
قال
انتي جبانه وياما خوفتي اشمعني دلوقتي
سامية
انا صحيح كنت بخاف لكن من كتر اللي شوفته بقي الخوف بالنسبة لي سبب قوتي.
قال
انتي هتقبلي تكوني عبدة لينا. هتكوني من عبيد الخوف ولا اوريكي اللي يخليكي تتمني الموت
سامية
لو هموت يبقي اجلي انتهي ولو فضلت عايشة مش هكون من عبيد الخوف. انا ما بعبدش الا الواحد القهار. اخاف ازاي من بكرة وهو في ايدة بكرة
قال بمنتهي العصبية
كل اللي من دم عبد المولي قبلو الورث اشمعني انتي
سامية وهي بتبص للميتين المبتسمين قالت
علشان لو مكتوب لي اموت. اموت وانا مستبشرة. بجنة ربي. مش اموت خايفة من العذاب. ربنا رحيم رحمان بشر المؤمن بالجنة
قال
وكمان خوفكم بجهنم
سامية
طريق جهنم معروف هو مكتوب ل مين. المغضوب عليهم والضالين. اما انا في صلاتي بقول غير المغضوب عليهم ولا الضالين. أمين.
قال بعصبية
دة كذب كل البشر عبيد للخوف وهيدخلو جهنم ما فيش فيكم اللي يقدر يتحدي الخوف
سامية
دة اللي انت تعرفو. لكني اللي اعرفو انا واللي زيي. ان الجنة هتبقي مليانه باللي ربنا يرحمهم. ورحمة ربي وسعت كل شئ.
قرب مني اوي وقال
هتموتي يا سامية وهتعرفي يعني اية عذاب القبر
قولت باستهزاء
كلنا هنموت. لكن عذاب القبر او نعيمه مش بايدك انت علشان تخليني اشوفو بعينيه واحس بي
قال
سامية اخر الكلام انتي معانا
سامية
انا مع الله
بدات اشوف كذا جمجمة في راس واحدة وكلهم عيونهم من نار وكانو قصاد مني بالظبط نار جهنم بتقرب من وشي وانا كل اللي عليه عماله اقول اشهد ان لا اله الا الله. واشهد ان محمد عبد الله ورسوله. والشئ دة بيقرب وبيقرب لغاية ما انتهي ووقع علي الارض واتحول لمجرد سراب بصبت حوالين مني لقيت الشقة رجع عفشها زي الاول من غير اي تراب بدات الف في الشقة وانا مش مصدقة نفسي معقولة الشر انتهي ولا في حاجة تاني مستخبيئة وهنا اسمع موببلي بيرن رديت وقولت
ايوة يا هند
هند
انتي فين يا بنتي من اول اليوم مختفية وحتي بتصل بيكي ما بترديش عليه.
سامية وهي عماله تلف في الشقة فرحانه
كنت بشوف شقة
هند
يادي حوار الشقة دة اللي قالب دماغك. المهم طمنيني. لقيتي الشقة
سامية
ابوة. شقة كبير جدا وفي التحرير جنب الشغل علي طول
هند
ايوة بقي. طيب اديني العنوان وخليكي عندك انا جاي لك حالا
وما عداش كام دقيقة الا ولقيت هند عندي وفرجتها علي الشقة اللي طبعا كانت اول مرة تشوفها وقالت
دي ورثك من جدك
سامية
اة. شوفتي بقي
هند
بقي انتي عماله تدوري علي شقة جنب الشغل وفي الاخر تطلع الشقة جنب مننا وفين في التحرير
سامية وهي فرحانه
ارزاق
هند
لا. دي دعوي امك الله يرحمها
سامية
الله يرحمها
هند
طيب انا جعانه وبالمناسبة السعيدة دي انا عزماكي عند الشبرواي
سامية
اخيرا هتفكي الكيس
هند وهي بتضحك
يلا بقي ان شاء ما حد حوش
وروحنا المطعم وطلبنا اكل وكلنا وانبسطنا وروحنا عند الكاشير علشان نحاسب لقينا عامل الكاشير بيقول
الحساب ادفع
قلقت وقولت
مين اللي دفعه
شاور علي واحد لابس جاكت جلد بيخرج من المطعم وقال
الاستاذ اللي خارج هناك دة
اتصدمت وقولت
لا. بقي مش تاني
وخرجت جري وراء منه وحطيت ايدي علي كتفه وقولت
انت مش هتقدر تخوفني
لف الراجل دة ليا. لقيته استاذ مسعد صاحب الاربعين سنه زميلي انا وهند في المجمع بيبص لي وبيقول
وانا ماقصدش اخوفك انا شوفتكم بالصدفة في المطعم عرفت حسابكم ودفعت ومشيت علشان ما احرجكمش
هند
تحرجنا اية بس. دة زي اخونا
مسعد بص لي وقال
بس انا حابب اكون ل سامية اكتر من اخ
بصيت ل سامية واتكسفت وهند قالت
تقصد اية
مسعد
اتجوزها
زغردط هند ضربتها في كتفها وقولت
بطلي فضايح
مسعد
انا اسف انها جت كدة. بس انا ماليش في جو التظبيط وكدة
سامية
انتي فجاتني بصراحة يا استاذ مسعد بس
هند قطعتني وقالت
بس اية انا موافقة خلاص ومسيبا الراجل شغله وكان المفروض يجي يقعد معانا علي التربيزة زي اتفاقي معه بس ما عرفش مجاش لية
مسعد
احرجت.
سامية في ودان هند
يعني مش انتي اللي عزماني
هند
انا يا بنتي معفنه من امتي وانا اطلع فلوس كتير كدة مرة واحدة. وقصري في يومك وخليني اكمل الزغروطة
ضحكت اهو احسن ما اعيش ل وحدي وهو انسان محترم وقولت ل هند
كملي الزغروطة.
وزغردط هند ولمت علينا الناس والحمد لله.
تمت بحمد الله
تعليقات
إرسال تعليق
مرحب بكم في مدونة معرض الرويات نتمنه لكم قراء ممتعه اترك5 تعليق ليصلك كل جديد