رواية قضية راي عام
الجزء الثالث3
بقلم محمود الامين
لقيت واحدة كبيرة في السن كانت واقفة بالعافية ولابسة اسود وباين عليها الحزن وسألتني وقالت_الشيخ ابو المكارم موجود ؟
=مين حضرتك ؟
=ادخلي قوليله الست نعمة بره ..هو عرفني
_ايوة يعني انتي مين برضو وعاوزة منه ايه ..انا مراته وبسألك ؟
=هو انتي العروسة الجديدة ..طيب مش تقولي
_وبعدين بقي انتي مين يا ست انتي وعاوزة ايه بالظبط ؟
في اللحظة دي خرج ابو المكارم لقيني واقفة مع الست دي ..بان عليه التوتر والقلق في البداية وبعدها اتكلم وقال
_ادخلي جوه يا عزيزة دلوقتي
=هدخل بس الاول اعرف مين دي وعاوزة ايه
_وانا قولت كلمة ..ادخلي جوه يا عزيزة
دخلت وانا هموت واعرف مين دي ؟..ولقيته طلب منها تدخل معاه اوضة الشغل ..لكن الست قالتله
_بنتي فين يا شيخ ابو المكارم ؟..وديتها فين ؟
=انا زهقت من الموال ده ..بنتك طفشت ومعرفش عنها حاجة وعلى ايدك روحت عملت محضر تغيب في القسم
_انا مش جاية المرادي ومغلوبة على امري انا عاوزة اعرف بنتي راحت فين ؟..انا عرفت عنك كل حاجة
=كل حاجة؟!...اممم كل حاجة اللي هي ايه بقي ؟
_ان بنتي مكنتش اول واحدة تختفي يا شيخ ..عرفت ان كل اللي بتتجوزهم بيختفوا والدور بكرة على السنيورة اللي جوه
=اي كلام ولو عندك دليل واحد كنتي بلغتي عني الحكومة
_لاخر مرة بسألك وديت حسنة فين يا ابو المكارم ؟
=اسمي الشيخ ابو المكارم وبنتك معرفش عنها حاجة روحي شوفي طفشت مع مين ؟
_خلاص يبقي انت اللي اخترت يا شيخ وديني لافضحك واخلي سيرتك على كل لسان
انا كنت سامعة الحوار كله ..وعرفت ان الست دي هي ام حسنة ...ابو المكارم قفل الباب وهو متعصب وبعدها بص حواليه بيشوفني روحت فين ؟
بس انا كنت دخلت اوضتي ..وخلاص انا فهمت حقيقة الشخص اللي كنت عايشة معاه ..مكنش وقتها عندي حل غير اني اهرب واسيب البيت لازم ارجع لاهلي واحكيلهم ..ولسه كنت بفكر لكن في اللحظة دي لقيت المكارم داخل عليا الاوضة وقعد جنبي وسألني
_ هو احنا هناكل ايه النهاردة ؟
=اللي انت عاوزه يا اخويا ..شوف عايز تاكل ايه ؟
_مالك يا عزيزة ..باين عليكي متوترة او خايفة ..في حد زعلك ؟
=لا يا ابو المكارم معقول ازعل وانت موجود ..بس انا ليا طلب عندك
_خير باذن الله
=عاوزة اروح ازور اهلي بقالي كتير مشوفتهمش
_بس انتي اكيد تعبانة بسبب الحمل ؟...كلمي اهلك واعزميهم بكرة على الغدا وبالمرة اشوفهم انا كمان
=حاضر
ابو المكارم مش شخص غبي وهو وقتها كان عارف ومتأكد اني سمعت الحوار اللي دار ما بينه وبين ام حسنة ومش هيسبني اخرج من البيت واروح لاهلي ..وبعد ما خلص ابو المكارم كلام معايا قومت عملتله الاكل وبعدها حسيت بشوية تعب ودخلت ارتاح دخلت السرير ونمت ..لكني صحيت على صوت صراخ جاي من الشارع مكنتش فاهمة في ايه ..قومت وروحت فتحت الباب ووقتها اتفجأت باللي عرفته
بدات اراجع المحاضر القديمه، اللي كانت بتتقدم في اختفاء زوجات الشيخ ابو المكارم وعرفت انهم ست محاضر، اخرهم الست اللي اسمها حسنة.. وقتها طلبت من الفريق اللي شغال معايا بعمل حصر للاسماء دي
وعمل تحريات مفصله عن كل شخص فيهم
وكمان طلبت تحريات مفصله عن الشيخ ابو المكارم، كان نفسي اجيب اذن نيابه وافتش بيته، بس للاسف مش معايا دليل عشان اقدر اجيب الاذن ده
بس هانت، كلها شويه وهنعرف كل حاجه وهقدر احل القضيه دي وكل القضايا اللي اتقفلت وهوصل لحل اللغز
لقيت الستات في الشارع بتجري وبتصرخ، وكلهم رايحين في اتجاه بيت قديم موجود في الحاره ومعروف انه ما فيش حد ساكنه، ولما سالت واحده من الستات اللي كانت بتجري قالت
_ في واحده لقيوها مقتوله في البيت ده، ست كبيره في السن
= دي مين دي من المنطقه هنا؟
_ لا، بس انا عارفاها شوفتها قبل كده بس مش فاكره فين؟
= طيب كانت لابسه ايه؟
_ كانت لابسه عبايه سودا، ولفه طرحه سودا برده على شعرها وهي ست كبيره في السن يعني مش صغيره
كنت بحاول اكدب نفسي، لكني خرجت من البيت وروحت في اتجاه الناس اللي اول ما شافوني قالوا.. يا ست عزيزه بلغي الشيخ ابو المكارم بسرعه، الست اللي ماتت دي تبقى ام حسنه، كانت حماته
قربت من البيت وبصيت على الست، اللي كانت مدبوحه من رقبتها، رجعت البيت وانا منهاره من العياط
مش عارفه كنت خايفه منه، ولا الست كانت صعبانه عليا، بس معنى انه قتلها فكده هي عندها حق... كنت لسه هكلم اهلي عشان احكيلهم على اللي حصل، لكنه رجع ولقيت نفسي انفجرت فيه
_ قتلتها، عشان هددتك بالفضيحه مش كده؟
= قتلت مين يا مخبوله انتي؟
_ ام حسنه، حماتك اللي انت قتلت بنتها؟
= انتي جبتي الكلام ده منين؟
_ مش مهم انا خلاص عرفت كل حاجه، وعرفت اني لو كنت حامل في بنت هيكون مصيري زي اللي قبلي
= وبعد ما عرفتي، عندك ايه تعمليه.. ايه هتبلغي عني
_ لا، بس انت هتسيبني اعيش
= هسيبك تعيشي يا عزيزه، بس تعيشي عاميه وخرسه وطرشه ما لكيش دعوه باي حاجه بتحصل هنا.. فاهمه ولا مش فاهمه؟
_ فاهمه
كان لسه بيتكلم معايا لكن الباب خبط، واللي كان واقف قدام الباب واحد شكله غريب.. واول ما ابو المكارم شافوا اخده من ايده ودخلوا اوضه الشغل.. قربت من الباب عشان اسمع بيقولوا ايه وسمعت
_ البرديه اهي ترجم بقى الكلام اللي فيها عشان انا تعبت
= مين اللي ترجم البرديه دي قبل كده؟
_ هو انا كنت اعرف حد غيره، الشيخ عارف الله يرحمه
= عارف ده مش عارف حاجه خالص، البرديه بتقول انك لازم تدبح طفل مش واحده ست
_ يا نهار اسود ومنيل، انت عارف انا مخلص على كام واحده لحد دلوقتي
= عارف يا اخويا، بس ترجمه البرديه زي ما قولتلك.. القربان طفل صغير
سنه ما يقلش عن 10 سنين
_ تمام اتكل انت على الله، وانا هتصرف
= بس انا عايز اقولك حاجه، العيون مفتحه عليك اليومين دول، حاول تخف الشغل مش عاوزين حد فينا يقع
_ وانت مين قالك الكلام ده؟
= انا ليا مصادري واظن انت مجرب وعارف ده
_ ماشي، انا فعلا محتاج اوقف الفتره دي اي حاجه بعملها، خصوصا بعد ما خلصت على الست اللي اسمها ام حسنه دي
= تمام هسيبك انا واتكل على الله
ما كنتش عارفه افرح ولا ازعل، معنى كده اني مش هكون قربان للجن، بس في نفس الوقت ممكن يخلص عليا عشان انا كشفت سره
وفاتت ست شهور، الوضع فيها كان هادي تماماً لكن في يوم لقيت باب البيت بيخبط ولما فتحت الباب لقيت واحده دخلت على طول وكانت بتنده على ابو المكارم، وعرفت انها اخت حسنة
صوتها كان عالي وكانت هتلم علينا الجيران، حاولت اسكتها وكتمت نفسها ما كانش قصدي اقتلها، لكنها قطعت النفس وماتت في ايدي، وفجاه لقيت ابو المكارم دخل عليها واول ما شافني اتكلم وقال
_ برافو عليكي، بس انا ما كنتش اعرف ان ليكي في القتل
= انا مش عارفه عملت كده ازاي؟
_ مالك قلقانه ليه؟.. ولا كأن حاجه حصلت
ولقيته طلع من جيبه مفتاح.. وفتح بيه الاوضه المقفوله كنت اول مره ادخلها، شال البلاط وبدا يحفر.. كنت واقفه بترعش من الخوف مش عارفه اعمل ايه؟
وشال الجثه ورماها في الحفره اللي حفرها وبدا يردم، كل ده وانا واقفه متجمده مكاني ومش عارفه انا عملت كده ازاي
_ في واحده بره يا فندم عايزة تقابل حضرتك؟
= خليها تتفضل
_ السلام عليكم... انا الست صابره جاره الشيخ ابو المكارم وعندي معلومات مهمه في قضيه قتل الولد
= طيب اتفضلي اقعدي، تشربي ايه؟
_ ولا اي حاجه يا فندم، انا اترددت كتير قبل ما اجي، بس انا جايه احكي على اللي شوفته يومها
= احكي يا ست صابره وانا سامعك
_ الولد فعلا كان بيلعب في الشارع، وبعد ما خلص لعب كان راجع على البيت.. بس قبل ما يدخل في واحده اخدته ومشيت
= مين دي تعرفيها؟
_ اعرفها يا فندم عشان دي تبقى
تعليقات
إرسال تعليق
مرحب بكم في مدونة معرض الرويات نتمنه لكم قراء ممتعه اترك5 تعليق ليصلك كل جديد