الفصل الثالث3
بقلم محمود الامين
الغريبة ان المذكرات خلصت لحد هنا ..بس انا حابب اذكركم اني أكرم ثابت الشخص اللي بيحلم يكون كاتب واللي كان بيقري مذكرات الدكتور وليد وحكايته مع سيد المريض اللي بيتعالج عنده في مستشفي الامراض النفسية بالعباسية ..بس أنا عندي فضول أعرف ايه اللي حصل تاني مستحيل يعني تكون دي هي القفلة طيب هو الدكتور وليد ده مكملش ليه ؟
أكيد حصلتله حاجة وعشان كده مكملش ..كلها أسئلة كانت بتدور في بالي وعشان أنا كاتب كان قدامي حل من الاتنين
الأول اني اكتفي بالمذكرات دي وأكمل باقي القصة من خيالي وانا هعرف أعمل ده كويس جدا
والتاني هو اني أدور ورا الموضوع وأعرف باقي الحكاية ..وليه الدكتور وليد مكملهاش ؟
بصيت في الساعة واللي كانت داخلة على 10 بليل وأنا لسه منمتش ..فدخلت أنام وسبت المذكرات على المكتب دخلت أوضتي حطيت راسي على المخدة ورحت في سابع نومة ..وصحيت الصبح ودخلت الحمام وأخدت دش ونزلت الجامعة كان لسه الموضوع شاغل بالي والفضول عاوز اجابة ..وعشان كده مقدرتش أكمل باقي المحاضرات ورجعت على الشقة من تاني بس قبل ما أطلع العمارة لاحظت ان في قهوة على ناصية الشارع وواضح من منظرها انها قهوة قديمة ومن زمان وعشان كده روحت ناحيتها وقعدت وطلبت واحد شاي ...بس صوت الواد اللي بيقدم المشاريب ده مزعج أوي ...كل شوية أيوووووة جااااااي
المهم انه جيه ناحيتي بالشاي واتكلم وقال
_الشاي يا باشا
=تسلم يا ريس
_طباشة محسوبك طباشة
= اهلا يا طباشة ..انا كنت عايز أسألك على حاجة كده
_من عينيا يا أستاذ
=تسلم ..أنا كنت عايز أسأل على البيت اللي هناك ده ..هو مين اللي كان ساكن فيه قبلي؟
_لا المعلومة دي مش عندي بس هتلاقيها عند المعلم ضاحي صاحب القهوة ..أصل أنا مليش 6 شهور هنا
=طيب ينفع أقابله
_اكيد يا سي الاستاذ ينفع ..ادخله هو قاعد على المكتب جوه
دخلت للمعلم ضاحي كان راجل كبير في السن وباين عليه الوقار ...قعدت قدامه بعد ما رميت السلام ..فرفع عينه وبصلي وهو بيشد نفس من الشيشة اللي قدامه واتكلم وقال
_وعليكم السلام ..أيوة اي خدمة ؟
=أنا اسمي أكرم ساكن هنا جديد في عمارة رقم 11 وانا أصلا طالب في الجامعة
_يا أهلا وسهلا ..نورت المنطقة ..خير ؟..أقدر اساعدك بحاجة
= في الحقيقة أنا عاوز أعرف مين اللي كان ساكن في الشقة قبلي ؟
_طيب ليه مكلمتش الراجل اللي أجرت منه الشقة وٍسألته ؟
= كنت هعمل كده بس حبيت أسأل لو حد عنده اجابة هنا في القهوة
_انت في الدور الكام ؟
=انا في الدور التاني ..الشقة اللي على شمال السلم
سرح المعلم ضاحي كأنه بيفتكر وبعدها أتكلم وقال
_ يا نهار مش فايت انت قاعد في الشقة اللي كان قاعد فيها الراجل اللي في مستشفي المجانين دلوقتي
= قصدك الدكتور وليد ؟
_مين وليد ده ؟...اللي كان ساكن في الشقة دي واحد أسمه سيد كان راجل مجنون ..في ناس كانت بتقول انه بيشرب ممنوعات وفي ناس قالت انه كان بيقري في كتب الجن لحد ما اتلبس ..بس تعرف كل ده عادي اللي مش عادي انه اتقبض عليه بسبب انه قتل مراته وابنه لا وايه ده هو اللي راح وبلغ عن أختفائهم لكن بعد ما الشرطة دورت ورا الموضوع لقيوا الجثث مدفونة في أوضة جوه الشقة
=يعني الشقة اللي أنا قاعد فيها دي هي اللي كان فيها الجثث ؟
_اه ..وانت اكيد شوفت حاجة عشان كده جاي تسأل ..عموما تقدر تروح للشيخ مختار يقرالك شوية في الشقة ده لو عايز تكمل فيها
سبت المعلم ضاحي ومشيت وانا مش فاهم حاجة ..المذكرات اللي في الشقة بتاعت دكتور اسمه وليد وبيحكي فيها عن سيد بس الشقة طلعت بتاعت سيد ..انا دماغي لفت مني ومش فاهم اي حاجة
مكنش عندي حل غير اني اروح أسال في المستشفي عن الدكتور وليد جايز أفهم ايه الحكاية بالظبط ؟
في البداية كان عندي فضول كاتب عاوز يفهم بس لكن دلوقتي الوضع أختلف أنا قاعد في شقة كان مدفون فيها جثث ..وروحت المستشفي بس ملقتش دكتور بالاسم ده هناك ولا حتي كان في قبل كده ..كنت خلاص هفقد الامل وهمشي لكن لقيت راجل كبير في السن بينادي عليا ..قربت منه وقولتله
_نعم يا حج أؤمرني ؟
=انت بتسأل عن الدكتور وليد ؟
_اه بس اتقالي ان مفيش دكتور هنا بالاسم ده
=لا هو كان فيه بس مبقاش موجود ومحدش هيجبلك سيرته ..عشان هو اتقتل والناس كلها عرفت اللي كان بيعمله
_لا براحة عليا كده يا حج عشان انا مش فاهم حاجة ..احكيلي الموضوع من البداية خالص
=حاضر هحكيلك بس متجبش سيرة لحد
أنا عمك راضي أقدم عامل في المستشفي يمكن أكون أقدم من الدكاترة ذات نفسهم ..من فترة مش كبيرة كان عندنا دكتور اسمه الدكتور وليد ..دكتور كان عايش بره طول عمره واول ما رجع مصر فتح عيادته الخاصة بجانب شغل المستشفي كان دكتور غريب في تصرفاته كان شايف ان الطريقة اللي بيستخدموها الدكاترة اللي هنا مع المرضي غلط ومتخلفة ..وعشان كده اجتمع بالدكاترة وبدأ يعرض عليهم طرق متطورة عشان يفيد بيها الدكاترة ..لكن الدكاترة رفضت ده وكانت شايفة الدكتور وليد مجنون ..وعشان كده رجعت الدكاترة تمارس شغلها بشكل طبيعي لحد ما في يوم وصل مريض للمستشفي اسمه سيد كان تحت حراسة مشددة واتقال انه قتل مراته وابنه عمد والكلام ده حصل ليلة راس السنة ..بس لما سيد شاف دكتور وليد هجم عليه وقتله بأبشع طريقة ...محدش كان متوقع رد الفعل ده سيد عض الدكتور وليد من زوره ومسبهوش غير وهو ميت كان اشبه بالكلب المسعور ..واللي عرفته بعدين كان هو السبب في ان سيد ده يقتل الدكتور وليد
سيد كان بيتعالج عند دكتور وليد في العيادة..كان بيعاني من مشاكل اسرية وبدأ الدكتور وليد يمارس احد الطرق العلمية على سيد واللي اسمها بالعربي الوهم ..الدكتور وليد زرع في دماغ سيد حكاية من الخيال محصلتش أصلا ده ومش كده وبس ده خلاه يقرأ الحكاية اللي هيعيش جواها وكان بيسيطر على دماغه بجهاز بيعمل اصوات بتتلف خلايا المخ وبتأثر عليها ..واتحولت حكاية سيد الحقيقية لحكاية مصطنعة كتبها الدكتور وليد في اسكريبت وخلي سيد يصدق كل حرف فيها ..سيد مراته مسمهاش رحمة ومكنش بيحب واحدة اسمها صفاء كل ده وهم ..وللاسف نهاية الحدونة المصطنعة من الدكتور وليد خلته صدق ان مراته خاينة وان ابنه مش ابنه وده اللي مقبلوش على نفسه وقتلهم ودفنهم ولما فاق دور عليهم وراح عمل محضر باختفائهم والشرطة لقيتهم مدفونين جوه الشقة واتقبض على سيد ولما وصل للمحكمة وقال الحدوتة اتحول للمستشفي ووقتها شاف الدكتور وليد اللي دمرله حياته فقتله ومن ساعتها وهو موجود في غرفة العزل ومصنف من أخطر الحالات وممنوع حد يقرب منه غير المتخصصين
خلص عم راضي الحكاية وانا دماغي لفت بس عجبتني جدا ..كتبتها وهنزلها في كتاب في المعرض ان شاء الله والمفروض كده الحكاية خلصت خلاص..بس اللي هيجنني اني كل يوم بسمع اصوات ناس معايا في الشقة ده غير اني لقيت مذكرات جديدة لمريض نفسي بيحكي مع دكتور عن قصة حياته بس المشكلة هي اسم المريض
اسمه اكرم ثابت ...أنا
أكيد حصلتله حاجة وعشان كده مكملش ..كلها أسئلة كانت بتدور في بالي وعشان أنا كاتب كان قدامي حل من الاتنين
الأول اني اكتفي بالمذكرات دي وأكمل باقي القصة من خيالي وانا هعرف أعمل ده كويس جدا
والتاني هو اني أدور ورا الموضوع وأعرف باقي الحكاية ..وليه الدكتور وليد مكملهاش ؟
بصيت في الساعة واللي كانت داخلة على 10 بليل وأنا لسه منمتش ..فدخلت أنام وسبت المذكرات على المكتب دخلت أوضتي حطيت راسي على المخدة ورحت في سابع نومة ..وصحيت الصبح ودخلت الحمام وأخدت دش ونزلت الجامعة كان لسه الموضوع شاغل بالي والفضول عاوز اجابة ..وعشان كده مقدرتش أكمل باقي المحاضرات ورجعت على الشقة من تاني بس قبل ما أطلع العمارة لاحظت ان في قهوة على ناصية الشارع وواضح من منظرها انها قهوة قديمة ومن زمان وعشان كده روحت ناحيتها وقعدت وطلبت واحد شاي ...بس صوت الواد اللي بيقدم المشاريب ده مزعج أوي ...كل شوية أيوووووة جااااااي
المهم انه جيه ناحيتي بالشاي واتكلم وقال
_الشاي يا باشا
=تسلم يا ريس
_طباشة محسوبك طباشة
= اهلا يا طباشة ..انا كنت عايز أسألك على حاجة كده
_من عينيا يا أستاذ
=تسلم ..أنا كنت عايز أسأل على البيت اللي هناك ده ..هو مين اللي كان ساكن فيه قبلي؟
_لا المعلومة دي مش عندي بس هتلاقيها عند المعلم ضاحي صاحب القهوة ..أصل أنا مليش 6 شهور هنا
=طيب ينفع أقابله
_اكيد يا سي الاستاذ ينفع ..ادخله هو قاعد على المكتب جوه
دخلت للمعلم ضاحي كان راجل كبير في السن وباين عليه الوقار ...قعدت قدامه بعد ما رميت السلام ..فرفع عينه وبصلي وهو بيشد نفس من الشيشة اللي قدامه واتكلم وقال
_وعليكم السلام ..أيوة اي خدمة ؟
=أنا اسمي أكرم ساكن هنا جديد في عمارة رقم 11 وانا أصلا طالب في الجامعة
_يا أهلا وسهلا ..نورت المنطقة ..خير ؟..أقدر اساعدك بحاجة
= في الحقيقة أنا عاوز أعرف مين اللي كان ساكن في الشقة قبلي ؟
_طيب ليه مكلمتش الراجل اللي أجرت منه الشقة وٍسألته ؟
= كنت هعمل كده بس حبيت أسأل لو حد عنده اجابة هنا في القهوة
_انت في الدور الكام ؟
=انا في الدور التاني ..الشقة اللي على شمال السلم
سرح المعلم ضاحي كأنه بيفتكر وبعدها أتكلم وقال
_ يا نهار مش فايت انت قاعد في الشقة اللي كان قاعد فيها الراجل اللي في مستشفي المجانين دلوقتي
= قصدك الدكتور وليد ؟
_مين وليد ده ؟...اللي كان ساكن في الشقة دي واحد أسمه سيد كان راجل مجنون ..في ناس كانت بتقول انه بيشرب ممنوعات وفي ناس قالت انه كان بيقري في كتب الجن لحد ما اتلبس ..بس تعرف كل ده عادي اللي مش عادي انه اتقبض عليه بسبب انه قتل مراته وابنه لا وايه ده هو اللي راح وبلغ عن أختفائهم لكن بعد ما الشرطة دورت ورا الموضوع لقيوا الجثث مدفونة في أوضة جوه الشقة
=يعني الشقة اللي أنا قاعد فيها دي هي اللي كان فيها الجثث ؟
_اه ..وانت اكيد شوفت حاجة عشان كده جاي تسأل ..عموما تقدر تروح للشيخ مختار يقرالك شوية في الشقة ده لو عايز تكمل فيها
سبت المعلم ضاحي ومشيت وانا مش فاهم حاجة ..المذكرات اللي في الشقة بتاعت دكتور اسمه وليد وبيحكي فيها عن سيد بس الشقة طلعت بتاعت سيد ..انا دماغي لفت مني ومش فاهم اي حاجة
مكنش عندي حل غير اني اروح أسال في المستشفي عن الدكتور وليد جايز أفهم ايه الحكاية بالظبط ؟
في البداية كان عندي فضول كاتب عاوز يفهم بس لكن دلوقتي الوضع أختلف أنا قاعد في شقة كان مدفون فيها جثث ..وروحت المستشفي بس ملقتش دكتور بالاسم ده هناك ولا حتي كان في قبل كده ..كنت خلاص هفقد الامل وهمشي لكن لقيت راجل كبير في السن بينادي عليا ..قربت منه وقولتله
_نعم يا حج أؤمرني ؟
=انت بتسأل عن الدكتور وليد ؟
_اه بس اتقالي ان مفيش دكتور هنا بالاسم ده
=لا هو كان فيه بس مبقاش موجود ومحدش هيجبلك سيرته ..عشان هو اتقتل والناس كلها عرفت اللي كان بيعمله
_لا براحة عليا كده يا حج عشان انا مش فاهم حاجة ..احكيلي الموضوع من البداية خالص
=حاضر هحكيلك بس متجبش سيرة لحد
أنا عمك راضي أقدم عامل في المستشفي يمكن أكون أقدم من الدكاترة ذات نفسهم ..من فترة مش كبيرة كان عندنا دكتور اسمه الدكتور وليد ..دكتور كان عايش بره طول عمره واول ما رجع مصر فتح عيادته الخاصة بجانب شغل المستشفي كان دكتور غريب في تصرفاته كان شايف ان الطريقة اللي بيستخدموها الدكاترة اللي هنا مع المرضي غلط ومتخلفة ..وعشان كده اجتمع بالدكاترة وبدأ يعرض عليهم طرق متطورة عشان يفيد بيها الدكاترة ..لكن الدكاترة رفضت ده وكانت شايفة الدكتور وليد مجنون ..وعشان كده رجعت الدكاترة تمارس شغلها بشكل طبيعي لحد ما في يوم وصل مريض للمستشفي اسمه سيد كان تحت حراسة مشددة واتقال انه قتل مراته وابنه عمد والكلام ده حصل ليلة راس السنة ..بس لما سيد شاف دكتور وليد هجم عليه وقتله بأبشع طريقة ...محدش كان متوقع رد الفعل ده سيد عض الدكتور وليد من زوره ومسبهوش غير وهو ميت كان اشبه بالكلب المسعور ..واللي عرفته بعدين كان هو السبب في ان سيد ده يقتل الدكتور وليد
سيد كان بيتعالج عند دكتور وليد في العيادة..كان بيعاني من مشاكل اسرية وبدأ الدكتور وليد يمارس احد الطرق العلمية على سيد واللي اسمها بالعربي الوهم ..الدكتور وليد زرع في دماغ سيد حكاية من الخيال محصلتش أصلا ده ومش كده وبس ده خلاه يقرأ الحكاية اللي هيعيش جواها وكان بيسيطر على دماغه بجهاز بيعمل اصوات بتتلف خلايا المخ وبتأثر عليها ..واتحولت حكاية سيد الحقيقية لحكاية مصطنعة كتبها الدكتور وليد في اسكريبت وخلي سيد يصدق كل حرف فيها ..سيد مراته مسمهاش رحمة ومكنش بيحب واحدة اسمها صفاء كل ده وهم ..وللاسف نهاية الحدونة المصطنعة من الدكتور وليد خلته صدق ان مراته خاينة وان ابنه مش ابنه وده اللي مقبلوش على نفسه وقتلهم ودفنهم ولما فاق دور عليهم وراح عمل محضر باختفائهم والشرطة لقيتهم مدفونين جوه الشقة واتقبض على سيد ولما وصل للمحكمة وقال الحدوتة اتحول للمستشفي ووقتها شاف الدكتور وليد اللي دمرله حياته فقتله ومن ساعتها وهو موجود في غرفة العزل ومصنف من أخطر الحالات وممنوع حد يقرب منه غير المتخصصين
خلص عم راضي الحكاية وانا دماغي لفت بس عجبتني جدا ..كتبتها وهنزلها في كتاب في المعرض ان شاء الله والمفروض كده الحكاية خلصت خلاص..بس اللي هيجنني اني كل يوم بسمع اصوات ناس معايا في الشقة ده غير اني لقيت مذكرات جديدة لمريض نفسي بيحكي مع دكتور عن قصة حياته بس المشكلة هي اسم المريض
اسمه اكرم ثابت ...أنا
النهايه
تعليقات
إرسال تعليق
مرحب بكم في مدونة معرض الرويات نتمنه لكم قراء ممتعه اترك5 تعليق ليصلك كل جديد